TIRANE- Një operacion blic i policisë së Tiranës kundër shfrytëzimit të prostitucionit ka çuar në arrestimin e 11 personave, ndërsa 10 të tjerë do të procedohen në gjendje të lirë.
Në hetim do të jenë edhe gjashtë vajza të cilat janë ndaluar së bashku me klientët e tyre, gjatë bastisjes së disa hoteleve në Tiranë. Ndërkohë, vajzat e moshave të ndryshme rekrutoheshin për të ushtruar prostitucion nga dy femra Ambra I. dhe Fllanxe A.
Drejtori i Policisë së Tiranës Ervin Hodaj dha detajet e operacionit të koduar "FREE TAXI", gjatë një konference për shtyp.
Mes të arrestuarve është edhe një punonjës policie në Tiranë, Elton Shterpi.
Zbërthimi i këtij grupi kriminal erdhi pas një hetimi 5 mujor nga Policia e Tiranës.
Hodaj theksoi se në pranga kanë rënë edhe katër taksistë të cilët bënin transportin dhe siguronin klientët.
