Receta elektronike e cila ka filluar të aplikohet në qytetin e Durrësit dhe prej disa ditësh edhe në Tiranë do të shpërndahet për të gjithë pacientët që marrin barna të rimbursueshme.
Gjithashtu pritet që edhe të ulin nivelin e burokracisë si dhe eliminimin e rasteve të abuzimeve. Kjo u shpjegua për Report Tv nga Tomi Thomo, drejtor i drejtorisë së përparimit të shëndetit, kontrollit të shëndetësisë dhe jetësimit të prioriteteve.
Aktualisht, procesi i shpërndarjes së recetave elektronike është në fazën kur farmacitë e kryeqytetit po bëjnë inventarët.
Pacientët që përfitojnë janë të gjithë ata që marrin medikamente me rimbursim, për të siguruarit por edhe për 600 mijë të pasiguruarit që tashmë kanë hyrë në listën pacientëve që mund të përfitojnë medikamente me rimbursim.
