Хуманитарна акција за децата од Алепо
Во рамки на Неделата на солидарност со децата бегалци од Сирија во гимназијата во Дебар беше организирана хуманитарна акција
Собраните средства од акцијата „Македонија со љубов за децата од Алепо", која ќе биде спроведена во повеќе средни училишта низ Македонија, ќе бидат испратени во камп на турско-сириската граница каде што се сместени сириски деца.
- Хуманитарната акција „Македонија со љубов за децата од Алепо" беше одлично организиран настан. Дебарските ученици и нивните професори и родители ја потврдија солидарноста и хуманоста, особини по кои се препознатливи дебрани. Имаше ликовни дела и разни печива и слатки, подготвени од самите ученици со чија продажба, но и донираните средства, се собраа 34.820 денари, изјави Драги Змијанац, претседател на Првата детска амбасада во светот „Меѓаши".
Во акцијата „Македонија со љубов за децата од Алепо",како што посочи Змијанац, вкучени се и клубовите на „Меѓаши" во Виница, Гостивар, Скопје и Велес.
Здружението на граѓани Легис и Првата детска амбасада во светот Меѓаши започнаа кампања за помош на бегалците кои се лоцирани во кампови на граничната зона на Турција со Сирија,
Еден дел од кампањата е насочен кон собирање финансиски средства од граѓаните/ките и од бизнис секторот, а другиот дел кон подигање на јавната свест, особено кај помладата генерација..
Граѓаните ќе можат да донираат парични средства онлајн, во кутиите распоредени по френкфентните супермаркети, како и на жиро сметка која ќе им биде дистрибуирана деновиве во дневните и неделните весници. Со собраните средства треба да се испрати заедничка симболична хуманитарна помош од граѓаните на Македонија до децата бегaлци од Сирија.
Здружението на граѓани Легис и Првата детска амбасада во светот Меѓаши започнаа кампања за помош на бегалците кои се лоцирани во кампови на граничната зона на Турција со Сирија,
