http://www.vizionplus.tv
https://facebook.com/VizionPlusTV
https://twitter.com/VizionPlusTV
Të lexuarit në publik nuk është më diçka që shihet rrallë në kryeqytet. Nisi me muajin e leximit, e më pas me lexime në urbane, sheshe, parqe e teatro. Kishte edhe konkurse fotografie, ku ne vëmendjen kryesore ishte te libri. Këtyre nismave iu bashkuan të gjithë. Por, të rinjtë që gjejmë sot në Qendrën Rinore të Tiranës lexojnë ndryshe. Ata mund të quhen pa frike, miq të librit. Nis me takimin në rrjetet sociale, ku vendosin se për cilën vepër do të mblidhen këtë javë. E përtej leximeve, ka edhe diskutime e analiza për veprën e përzgjedhur. Ky është vetëm një prej takimeve letrare, po ndryshe nga sa herët e tjera nuk është një kafe librari që i bën bashkë, por qendra rinore, pasi botimet ?Living? janë bërë bashkë me të rinjtë e ?Klubit të librit? dhe ?Penës së re?, për të përmbyllur një vit të suksesshëm. Organizuar edhe si një konkurs për të rinjtë në këtë takim janë shkëmbyer libra, e janë dhuruar tituj më të fundit nga Botimet ?Living?.
