http://www.vizionplus.tv
https://facebook.com/VizionPlusTV
https://twitter.com/VizionPlusTV
Ministri i Mjedisit, Lefter Koka, kundërshton nismën e qeverisë për të vendosur 13 lekë akcizë, për gazin e lëngshëm që përdoret për makina. Kreu i mjedisit, argumenton se kjo masë dekurajon përdorimin e gazit për qarkullim automjetesh, ndërkohë që qëllimi i qeverisë është reduktimi i emetimit të gazrave nga makinat kryesisht me nafte. Ministri kërkon specifikisht rishikimin e kësaj nisme. Duke raportuar në komision për buxhetin e vitit që vjen, Ministri i Mjedisit vijon më tej argumentimin, duke thënë se kjo masë do të shoqërohet edhe me abuzime, pasi mbetet i vështirë monitorimi në terren i gazit, që do përdoret për makina dhe atij për përdorim shtëpiak. Ministria e Financave sqaron se nga viti i ardhshëm, do aplikojë akcize për gazin e lëngshëm, që përdoret për makina. Sipas saj, vendosja e akcizës është një normë që aplikohet edhe në Bashkimin Europian. Por në fakt, nga ky vendim pritet të arkëtohen para më shumë në buxhet.
