Pavarësisht kushteve të këqija të motit, me shkarkime atmosferike dhe reshje shiu, grupet e avarisë së kompanisë, OSHEE njofton se kanë eliminuar pjesën më të madhe të avarive që u shfaqën në rrjetin e shpërndarjes gjatë natës, kryesisht në rajonin e Durrësit, Gjirokastrës dhe Vlorës.
Aktualisht rreth 1500 punonjës ndodhen në terren për të riparuar të gjitha defektet në rrjetin e tensionit të mesëm e të ulët për të rikthyer energjinë tek të gjithë abonentët.
