Helbest:Occo Mahabad
Xwendin:Azad Sozdar
yên di hişê xwe de bêje
dijûnan bike
nifiran bike
gotinan bike lê bike
peyv sar be jî
tehl û jehr be jî bike
bike: bi şûrê devê xwe
bike: bi hêrsa nalînên xwe
bike: xeydok bi xeydok
lê bêdeng nemîne
bêdengî te dikuje
bêdengî me dikuje…
yên di dilê xwe de bêje
dil biqîre jî
bigirî jî bêje
sozên evînê biqede jî
qewl û qerarên me xera be jî bêje
bêje: eşq birîn e heram e
bêje: tu zivistan î dicemidim
bêje: tu mirin î-ewqas-qediya
lê bêdeng nemîne
bêdengî min dikuje
bêdengî me dikuje…
Occo Mahabad
