Bap - Die Ballade vom Vollkasko-Desperado 2017
Die Ballade vom Vollkasko-Desperado
„Könn‘n wir mal grad ‘n Foto machen?“
woor et Eezte, wat dä Typ zo dir jesaat.
Zonähx ens drei, vier Fehlversuche,
bess sich schliesslich doch noch wer erbarmt.
Er wöhr ens Fan vun dir jewääse, meint e‘,
du wills wesse, wat dozwesche kohm.
Du hätts dich irjendwie verändert,
doch konkret feel ihm nix enn, wat e‘ krumm nohm.
„Nur irjendwie woor fröher alles besser,
als ihr noch enn Wackersdorf jespillt,
wohrt ihr politischer,
hück sitt ihr mir zo kommerziell.“
„Okay“, denks du, wenn dat sing Meinung ess,
mer levven schliesslich enn ‘nem freie Land.
Bloss nit beleidigt rövverkumme, und du sähss:
„Dat ess jo interessant!“
Du frööchs en, womet hä sing Lück ernährt,
er säät, er wöhr Versicherungsagent.
„Naja“, denks du, „dann ess dä Mann,
wat mich betrifft, jo wirklich kompetent.“
Un schliesslich schaffste ‘t zo verschwinde,
doch dä Typ, dä jeht dir noch nit uss em Kopp,
denn du bess immer noch perplex,
weil dä letzendlich op seltsame Ansprüch pocht:
Bildt dä sich allen Ernstes enn,
du bröhts sing Zostimmung für dat, wat du mähss?
Bloss weil e‘ irjendwann en Plaat jekauf hätt
jööv et als Bonus bovven drop dat Rääsch,
sich enn dieh Levve ennzemische,
sujet wie ne Faust`che Pakt.
Vollkasko-Desperados jonn sick Johre
ziemlich op dä Sack.
Als wöhrs du jemals ahnjetrodde
als Polit-Clown zwesche Hännesje un Ché!
Dat woor e‘ Missverständnis un et deit dir
wirklich furchtbar leid,
jetz Illusione zo zerstöre, doch en Schublade
häss du noch nie jepass.
Un du häss Ignoranz un Anmassung
sulang du denke kanns jehass.
Ach, hätt dä Typ doch zweschendurch
winnichstens aff un zo ens hinjehührt!
Denn - weiss der Deufel - ahm Engk
hätt e‘ dann jo doch noch irjendjet kapiert.
Du woors knapp Achzehn, als du op dä Kreuzung stunds
un dich jefrooch häss:“Welche Wääsch?“
Enn Richtung Risiko natürlich un zwar
ohne Röckfahrticket enn dä Täsch.
Un du häss immer Kurs jehahle,
leider bleht dobei manch einer op der Streck.
Du häss jeledde wie e‘ Dier,
un wie ‘ne Hungk häss du ding Wunde ussjeleck.
Hührt zo, ihr lästije Patiente
un Versicherungsagente, uss ‘em Wääsch!
Er kohm bessher joot ohne üch kloor
un – wie ‘t ussieht – op dä Zieljerad‘ ezz rääsch.
Bildt dä sich allen Ernstes enn,
du bröhts sing Zostimmung für dat, wat du mähss?
Bloss weil e‘ irjendwann en Plaat jekauf hätt
jööv et als Bonus bovven drop dat Rääsch,
sich enn dieh Levve ennzemische,
sujet wie ne Faust‘che Pakt.
Vollkasko-Desperados jonn sick Johre
ziemlich op dä Sack.
Vollkasko-Desperados hann jenau jenomme
noch nie irjendjet jerafft.
