Jo na mil sakay wohi bewafa, yeh bari ajeeb si baat hai
Jo chala gaya mujhe chor kar, wohi aaj tak mere saath hai
Jo kisi nazar se atta huwi, wohi roshni hai khayal mein
Woh na aa sakay rahon muntazir, yeh khalish kahan the wisaal mein
Meri justujoo ko khabar nahee, na woh din rahay na woh raat hai
Jo chala gaya mujhe chor kar, wohi aaj tak mere saath hai ...
Karay pyaar lab pe gila na ho, yeh kisi kisi ka naseeb hai
Yeh karam hai us ka jafa nahin, woh juda bhi reh kar qareeb hai
Wohi aankh hai mere ru baru, ussi haath mein mera haath hai
Jo chala gaya mujhe chor kar, wohi aaj tak mere saath hai ...
Mera naam tak jo na le saka, jo mujhe qarar na de saka
Jisay ikhteyar tu tha magar, mujhe apna pyar na de saka
Wohi shakhs meri talaash hai, wohi dard meri hayaat hai
Jo chala gaya mujhe chor kar, wohi aaj tak mere saath hai ...
Jo na mil sakay wohi bewafa, yeh bari ajeeb si baat hai
Jo chala gaya mujhe chor kar, wohi aaj tak mere saath hai
Voice: Imran Sherazi
