میں بہک سکوں یہ مجال کیا ، میرا رہنما کوئی اور ہے
مجھے خوب جان لیں منزلیں یہ شکستہ پا کوئی اور ہے
جو تمہاری جالی سے متصل ہے ستوں کے پیچھے خجل خجل
نہیں میں نہیں وہ مریض ِ دل نہ مرے سوا کوئی اور ہے
میری التجا ہے یہ دوستو کبھی تم جو سوئے حرم چلو
تو بنا کے سر کو قدم چلو کہ یہ راستہ کوئی اور ہے
ہے تجھے خبر شہ ِ این و آں میری وجہ ِ راحت ِ قلب و جاں
نہ ترے سوا کوئی اور تھا ، نہ ترے سوا کوئی اور ہے
یہ گمان تھا کئی سال سے یہ یقین ہے کئی روز سے
میرے دل سے گنبد ِ سبز کا یہ معاملہ کوئی اور ہے
وہ رؤف ہے وہ رحیم ہے وہ حبیب ِ ربؑ ِِ کریم ہے
انہیں فکر ہے میری آپ کی انہیں چاہتا کوئی اور ہے
میں جو دورعرشِ حرم سے تھا ہوئی خلد ِ گوش حسیں صدا
ہے اسی میں ماجدِ بے نوا ، کہ یہ قافلہ کوئی اور ہے
For More
https://www.facebook.com/Naat-535707913304601
OR https://www.facebook.com/Guldasta.e.Aqeedat/
