Ambasadori i Shteteve të Bashkuara të Amerikës në Tiranë, Donald Lu, ka reaguar ashpër pas lirimit nga burgu të ish-kreut të "Bandës së Durrësit", Lulzim Berisha.
Lu ka thënë se lirimi i kapobandës është bërë për arsye të panjohura, ndërsa e ka cilësuar vendimin e Gjykatës së Durrësit si të papranueshëm.
Ambasadori amerikan i ka cilësuar sërish gjykatat shqiptare si të korruptuara.
"Lulzim Berisha u lirua të mërkurën për arsye të panjohura. Dua t'u them gjykatave të korruptuara që kjo është e papranueshme. Duhet te indinjohemi", është shprehur Lu.
Deklaratat e fortë e kryediplomatit amerikan u bë gjatë një aktiviteti për nxitjen e Shoqërisë Civile.