http://www.vizionplus.tv
https://facebook.com/VizionPlusTV
https://twitter.com/VizionPlusTV
Mbi 2000 urdhra mbrojtjeje firmosen nga policia brenda një viti per dhunën në familje, ndërsa mesatarisht mbi 11 gra ne dite, dhunohen nga bashkëshortët. Shifrat alarmante jepen nga Policia e Shtetit, sipas së cilës mbikëqyrja e vendimeve te Gjykatës vetëm nga uniformat blu është e pamundur. Sipas Alimadhit një tjetër hallkë e rëndësishme për minimizimin e dhunës në familje mbetet drejtësia. Por në më të shumtën e rasteve vendimet nuk ndajnë dhunuesin nga e dhunuara. Për këtë çështje zv/ministrja e brendshme Elona Gjebrea tha se duhet ngritur një grup i përbashkët për të parë dhe rishikuar mekanizmin kombëtar te referimit per rastet e dhunës në familje apo dhe të miturve. Urdhri i mbrojtjes për Liljana Rukon, e cila mbeti viktimë e bashkëshortit të saj nuk i ishte dorëzuar policisë. Një fakt i tillë u publikua nga ministri i brendshëm Saimir Tahiri, ndërsa sipas ligjit urdhra të tillë duhen dorëzuar brenda 24 orëve në komisariatin përkatës. Për këtë policia nisi dhe procedim penal ndaj gjyqtarit Ergys Selmani.
