Komunikimin e fundjavës në rrjete sociale, Kryeministri Edi Rama ia kushtoi buxhetit për vitin e ardhshëm.
Në veçanti rritjes së pagave për buxhetorët, që sipas tij, në mandatin e parë të kësaj qeverie kanë përfituar, jo vetëm nga shtesat e pagave, por edhe nga ulja e taksave, ashtu si 95 përqind e shqiptarëve.
Kreu i qeverisë foli me optimizëm edhe për rritjen ekonomike.
Për Kryeministrin, edhe viti 2017 do të jetë një vit reformash, me fokus kryesor shëndetësinë dhe rritjen e punësimit.
