http://www.vizionplus.tv
https://facebook.com/VizionPlusTV
https://twitter.com/VizionPlusTV
Një tjetër karburant u grabit gjatë natës në rrugën Lezhë -Shkodër pranë Dajçit. Dy persona të armatosur me automatik morën xhiron ditore, rreth 1 milion lekë dhe 200 euro, ndërsa lanë të plagosur rëndë rojën e karburantit, të cilin e goditën me leva e qytën e automatikut, duke e lënë pa ndjenja. Lek Përkeqi u dërgua në urgjencën e qytetit, ndërsa sipas mjekëve 50 vjeçari ndodhet jashtë rrezikut për jetën. Sipas hetuesve, dy grabitësit morën shumën e parave në kasafortë e u larguan në këmbë. Për këtë policia dyshon se ata janë banorë të zonës. Blutë morën në pyetje rojet e tjera të karburantit ndërsa në polici janë shoqëruar disa persona. Gjatë 5 viteve të fundit në vend janë grabitur 171 pika karburanti, nga të cilat policia ka zbuluar vetëm 40% të rasteve. Për shkak të situatës së krijuar ku jo në pak raste dhe me viktima ministri i brendshëm Saimir Tahiri kërkoi nga këto biznese vendosjen e automateve elektronike gjatë natës, në mënyrë që të shmangen ngjarje të rënda.
