Subscribe në Ora News këtu http://bit.ly/1s5j7UT
Ekzekutimi i 34-vjeçari Nelgert Patës vijon të mbetet ende një ngjarje pa autor. Ndërkohë Policia e Fierit sot ka dhënë disa detaje të reja në lidhje me ngjarjen.
Sipas bluve janë shoqëruar 18 persona, të cilët janë parë të qarkullojnë rreth vendit të vrasjes. Por pas marrjes në pyetje ata janë lënë të lirë.
Gazetari i Ora News Xhemil Beharaj duke iu referuar burimeve policore bën të ditur se nuk dihet nëse autorët kanë qenë me maska apo jo, pasi ata kanë qëlluar brenda makinës dhe kanë nxjerrë vetëm krahun jashtë.
Sot blutë ndaluan personin që ndodhej me viktimën në makinë në çastin e atentatit, i cili mbeti i plagosur. 39 vjecari Ari (Ilirjan) Alinani, banues në Delvinë u ndalua nga specialistë të krimeve të rënda për veprime që pengojnë zbulimin e të vërtetës. Ndalimi i tij u bë në dhomën e paraburgimit të spitalit Fier pasi shtetasi i dyshuar është person i plagosur në ngjarjen dhe ndodhet për mjekim në spital.
Ndërkohë policia po punon intesivisht pasi ka parë kamerat e sigurisë duke u thënë bzinesve që kamerat nuk duhet të bëhen publike dhe të mos shpërndahen në media.
Ndërkohë nga hetimet paraprake bëhet e ditur se kanë qenë 4 autorë të cilët kanë kryer vrasjen dhe mësohet se ata kishin ditë që e kishin në vëzhgim viktimën.
Për më shumë lexoni në: http://www.oranews.tv/vendi/ekzekutimi-i-nelgert-pates-policia-autoret-qelluan-nga-brenda-makines/
