http://www.vizionplus.tv
https://facebook.com/VizionPlusTV
https://twitter.com/VizionPlusTV
Një i vdekur dhe dy të plagosur, ishte bilanci i një aksidenti rrugor të ndodhur në aksin Korçë-Pogradec. Ngjarja e rëndë ndodhi mbrëmjen e së shtunës në afërsi të fshatit Leshnicë. Viktimë e këtij aksidenti ishte Gjergji Ndini, i cili ka goditur me automjetin e tij një zetor. Të plagosur kanë mbetur edhe çifti i bashkëshortëve, Ismail dhe Flori Kapa të cilët po udhëtonin me zetor në drejtim të banesës së tyre në fshatin Çeravë. Sipas ekspertëve të policisë mjetit bujqësor ka qenë duke lëvizur pa qenë i pajisur me mjetet ndriçuese, duke mos i dhënë mundësi drejtuesit të mjetit tjetër ta shmangi atë. Një tjetër arsye e përplasjes fatale, ishte shpejtësia tej normave të lejuara që qarkullonte 55-vjeçarit Gjergji Ndini. Për efektivët rrugor të Pogradecit, vendi ku ndodhi aksidenti njihet si një zonë e rrezikshme, pasi edhe në të kaluarën ka pasur përplasje të ngjashme me pasojë vdekjen.
