Presidenti i Republikës, Bujar Nishani ka rrëzuar Ligjin për Dhomat e Tregtisë, të miratuar pak ditë më parë në parlament. Kreu i shtetit e ka kthyer atë për shtyrtim, me argumentin se ai është në shkelje të Kushtetutës. Në sqarimin që shoqëron dekretin, Presidenti Nishani thotë se anëtarësimi i biznesit në Dhomat e Tregtisë nuk mund të jetë i detyrueshëm, pasi kjo bie ndesh me nenin 46 të Kushtetutës.
