Subscribe në Ora News këtu http://bit.ly/1s5j7UT
Fitorja kundër Skënderbeut u përjetua me eufori tek skuadra e Tiranës. Presidenti Refik Halili u shpreh mjaft i kënaqur me lojën e skuadrës duke shtuar se objektivi mbetet titulli kampion, ndërsa trajneri Daja kërkoi të qëndronte me këmbë në tokë dhe theksoi se ekipi duhet të ecë hap pas hapi.
Triumfi ndaj Skënderbeut nuk mund të mos prodhonte entuziazëm dhe eufori në kampin bardheblu. Një fitore e tillë kundër një ekipi pretendent e ardhur edhe nëpërmjet lojës ideale, mungonte prej të paktën një viti tek Tirana. President i klubit kryeqytetas Refik Halili u shpreh i lumtur me mënyrën se si skuadra u parashtrua në fushë duke vlerësuar veçanërisht kongolezin Merveil, ai gjithashtu vendosi objektivin që për një klub si Tirana nuk mund të mos jetë titulli kampion.
Në krahun tjetër trajneri i bardhebluve Ilir Daja, pavarësisht entuziazmit, kërkoi të qëndronte me këmbë në tokë duke deklaruar se skuadra e tij duhet të ecë hap pas hapi dhe të mendoj për objektivin afat-shkurtër që është takimi i rradhës përballë Luftëtarit.
Për më shumë lexoni në: http://sport.oranews.tv/suksesi-i-bardhebluve-halili-skuadra-me-pelqen-synojme-titullin/
