Për kreun e qeverisë, Edi Rama, nuk përbën aspak shqetësim rritja e Lëvizjes Socialiste për Integrim në elektorat. Duke hedhur poshtë zërat e përhershëm për prishje të koalicionit, Rama theksoi se ka terren për të gjithë, madje këto dy parti mund të rriten së bashku.
Të shtunën kreu i qeverisë mblodhi në takim informal në Gjirokastër ministrat e tij dhe deputetë të zonës. Po ashtu, gjatë së dielës, ai pati takime dhe me drejtuesit lokalë socialistë.
