Kryeministri Edi Rama është një tifoz i thekur i kombëtares italiane, gjë të cilën ai nuk nguron ta shfaqë edhe publikisht.
Jo më larg se dy ditë më parë, kreu i qeverisë ishte në stadiumin "Loro Boriçi" për të ndjekur ndeshjen Shqipëri-Spanjë dhe kishte veshur një xhup ngjyrë blu me stemën e Italisë në krah.
Sot, në një takim me fermerët e Manzës, Rama kishte veshur një jelek po me stemën e kombëtares italiane.
Ky moment nuk kaloi pa u vënë re nga pjesëmarrësit. Një banore e Manzës, e cila u identifikua si italiane, e komplimentoi kryeministrin për veshjen, duke i thënë se jeleku me stemën e Italisë ishte shumë i bukur.
