Banorët që u prekën nga përmbytjet në Lezhë shprehen se situata ka qenë shumë e vështirë, ndërsa natën e kanë kaluar jashtë për shkak se banesat janë dëmtuar.
Njëri nga banorët është shprehur se me ndihmën e komshinjve arriti që të shpëtonte fëmijët që ishin në rrezik nga uji që përfshiu banesat.
"Fëmijët erdhën duke bërtitur 'Babai hajde na shpëto'. Hyrja brenda kishte një metër ujë, çava dritaren dhe kërkova ndihmën e komshinjve që shpëtuan fëmijët. Uji ka bërë shumë dëme".
