Radhët e gjata pranë librarive në qytetin e Shkodrës nuk kanë munguar edhe ditën e parë të shkollës. Qytetarët vazhdojnë të presin përsëri në radhë për tu pajisur me libra për fëmijët e tyre, edhe pse këto të fundit ketë të martë i janë rikthyer bankave të shkollës, por me mungesë librash.
Prej ditësh radhët janë refreni i vetëm pranë pikave të autorizuara për shitjen e librave, pasi edhe banorët nga Vau Dejës e rrethinat duhet të udhëtojnë drejt Shkodrës për blerjen e librave, e duke mos arritur të kryejnë punë.
Sorollaten sa në një pikë distributore në tjetrën në qytetin e Shkodrës, pasi paketa e plotë e librave që u duhen nuk gjenden në një vend të vetëm. Ky shqetësim ka mbërritur deri ne Ministrinë e Arsimit, e cila ka nisur verifikimin e procedurave mes shtëpive botuese dhe librarive qe kane tërhequr kontingjentin e teksteve shkollore.
