Një ngjarje e rëndë ka tronditur kryeqytetin mbrëmjen e së dielës, pak para mesnate.
Një 13-vjeçar nga Egjipti ka rënë nga ballkoni i apartamentit ku jetonte në Tiranë dhe ka humbur jetën.
Jusuf Hussin jetonte me familjen e tij prej vitesh në Tiranë. Sipas të afërmve të viktimës, ngjarja ka qenë aksidentale, duke ngritur alibinë se ai po luante i vetëm në ballkon.
Sipas informacioneve ngjarja e rëndë ka ndodhur në ish-fushën e aviacionit në katin e 9-të në pallatin e njohur si ?Karavan?.
13-vjeçari ka qenë duke luajtur me top në ballkon, por dyshohet se ka humbur ekuilibrin dhe ka rënë nga katit i 9-të.
Gjatë momentit të aksidentit, 13-vjeçari ishte i vetëm në ballkon dhe familja e ka kuptuar me vonesë ngjarjen e rëndë.
Ata kanë lajmëruar menjëherë ambulancën, por fatkeqësisht ka qenë vonë për 13-vjeçarin, i cili mësohet se ka humbur jetën menjëherë.
Trupi i 13-vjeçarit është tërhequr nga familjarët të cilët dhe mes dhimbjes dhe lotëve po nisen drejt varrezave.
