Pas raportit sekret të Kontrollit të Lartë të Shtetit të publikuar nga gazeta Shqiptarja.com pak ditë më parë ku dëmi në thesar ishte 21 mln euro dhe jo 713 mln lekë, ka reaguar Banka e Shqipërisë.
Për herë të parë Banka e Shqipërisë pranon që ekziston një raport i tillë nga KLSH, ndërsa Guvernatori Gent Sejko tërhiqet nga deklaratat e pak ditëve më parë se nuk ishte në dijeni të raportit të publikuar.
Banka e Shqipërisë thekson se raporti i përmendur i KLSH-së ku zbulohet dëmi 21 milionë euro është trajtuar institucionalisht me komunikime zyrtare midis dy institucioneve.
