Pas publikimit të notave për të gjitha provimet e maturës, tashmë më shumë se 30 mijë të rinj kanë filluar të bëjnë llogaritjen e pikëve dhe shanset që kanë për të fituar. Këtë vit akademik, mënyra e përzgjedhjes së studentëve do të jetë krejtësisht tjetër në krahasim me vitet e fundit.
Kjo pasi do të jenë dy kritere për të përzgjedhur studentët e rinj, kritere që janë vendosur nga vet Universitetet. E para është mesatarja e shkollës së mesme dhe e dyta është mesatarja e grup lëndëve, sipas degëve ku do të aplikojnë kandidatët. ?Shqiptarja.com? publikon sot të gjitha kriteret se si do të bëhet përzgjedhja e fituesve në universitetet në vitin akademik 2016-2017.
