Sot, të gjithë besimtarët myslimanë në të gjithë botën festojnë festën e Fiter Bajramit. Pas 30 ditëve sakrificë, lutje dhe adhurimi ndaj Allahut në muajin e shenjtë të Ramazanit, tashmë është koha për shpërblim!
Kjo festë e shenjtë përmbyll muajin e madhërueshëm të Ramazanit (një nga 5 shtyllat e Islamit) me faljen e namazit të Bajramit.
Në Tiranë, me mijëra besimtarë iu bashkuan faljes së madhe në bulevardin ?Dëshmorët e Kombit? në orën 06:00, ku si çdo vit ceremonia është organizuar nga Komuniteti Mysliman i Shqipërisë.
Të gjithë besimtarët, por edhe krerët e Komunitetit Myslimanë kanë uruar për të gjithë besimtarët në Shqipëri, Kosovë, Maqedoni, Mal të Zi e diasporë për më shumë begati, paqe, prosperitet e harmoni për Shqipërinë.
Pas atmosferës së ngrohtë festive mes vëllezërve myslimanë, siç konsiderohen mes njëri-tjetrit besimtarët, gëzimi i kësaj dite vijon me shtrimin e tryezës së Fiter Bajramit dhe pasdite me urimet për mirësi e begati në familjet e të afërmve dhe miqve.
