Pas kërkesave të shumta nga biznesi, Ministria e Financave po rishikon një numër të konsiderueshëm procedurash tatimore.
Në një intervistë për Report TV, Zëvendësministrja e Financave, Irena Beqiraj thotë se ndryshimet do të nisin nga mundësia për vetëkorrigjim, te vendosja e parimit të precedentit, te lehtësimi i procedurave për apelim, e deri te largimi i departamentit të apelimit nga administrata tatimore.
Sa për gjobat e rënda prej 10 milionë lekësh, të kontestuara fort nga biznesi, ajo thotë se do të zbatohen vetëm në rast miratohen nga një bord i posaccëm, ku do marrin pjesë dhe përfaqësuesit e sipërmarrjes.
Ministria po merr gjithashtu në shqyrtim dhe një propozim tjetër të bërë nga biznesi, sipas të cilit gjobat për kuponët tatimorë, të zëvendësohen me mbylljen e akvitetit për disa ditë.
