Kryetari i Bashkisë së Tiranës teksa ka folur sot në Konferencën Botërore të shëndetit të kafshëve, në kuadër të Ditës botërore për kafshët e rrugës ka thënë se vrasja apo helmimi i tyre nuk është zgjidhje.
Veliaj ka shtuar se për kafshët e rrrugës duhet trajtim dhe kujdes, ndërkohë që çështja e tyre është shumë me rëndësi.
Ai ka theksuar se, në bashkëpunim me Ministrinë e Buqjësisë do të vendosen rregulla më të forta për të gjithë ata që duan të mbajnë një qen, për të mos e përfshirë atë në përleshje.
Veliaj i ka bërë apel qytetarëve që të mos reagojnë në mënyrë histerike duke i helmuar apo vrarë kafshët.
?Qentë e rrugës janë çështje e rëndësishme. Të mos kërkojmë që qentë të sillen si njerëz. Në bashkëpunim me Ministrinë e Bujqësisë të aplikojmë rregulla më të forta për mbajtësit e kafshëve. Popullsia e qenve të rrugës nuk po rritet më. I bëj apel qytetarëve: Reagimi histerik duke helmuar kafshët apo vrarë nuk ndihmon, por e përkeqëson situatën. Për kafshët e rrugës duhet trajtim dhe kujdes? tha Veliaj.
