Ku janë 375 personalitetet shtetërore dhe politike të përgjuar prej 6 muajsh nga një aparaturë trajnuese? Si avulluan për 24 përgjimet e pretenduara nga Sali Berisha? Kush janë tre thashethemexhinjtë që dhanë alarmin për cënimin e sigurisë kombëtare? Kush është kërcënuesi real për Sigurinë Kombëtare, shteti paralel i Sali Berishës apo një pajisje trajnuese, për të luftuar krimin e organizuar? Cili është sot kredibiliteti i institucionit kryesor të sekreteve në Shqipëri, i cili dha alarmin kombëtar, bazuar mbi thashetheme dhe pëshpërima? Cili është serioziteti i Presidentit të Republikës, i cili sipas Kushtetutës duhet të përfaqësojë unitetin e popullit, por që i fryu me zell mjegullës së përgjimeve imagjinare? Pse është mekur ?Qytetari Dixhital? i Sali Berishës pas letrës së autoriteteve italianëve? A ishte sajesa e përgjimeve një tentativë për të provokuar turbullira në Shqipëri? A ishte loja e përgjimeve një manovër për të shtyrë reformën në drejtësi? A është shteti paralel i Berishës, përfshirë Presidencën dhe SHISH, një rrezik për sigurinë?
Bie kështjella e përgjimeve
Kështjella katërditore e përgjimeve të pretenduara nga Sali Berisha është shembur dje. Kanë mjaftuar 24 orë që, mjegulla e shpërndarë nga zyra e Sali Berishës, rreth përgjimeve të pretenduara, të darovitet. Një ditë pasi u përgënjeshtrua nga vetë kreu i Shërbimit Informativ Shtetëror, Visho Lika, i cili ishte pjesë e lojës, Sali Berisha është përgënjeshtruar nga Policia italiane
