Djalli fshihet në detaje. Finalizimi i reformës në drejtësi po përfundon në një padrejtësi historike për shqiptarët. Gjykatat speciale anti-korrupsion ndalohen të gjykojnë ish-ministrat, të cilët ishin në detyrë deri në shator të 2013.
Kështu, beteja epike dyvjeçare për reformën në drejtësi po shndërrohet një amnisti të madhe për ish-ministrat e Sali Berishës, karriera politike e disa prej të cilëve është shënjuar nga një sagë abuzimesh dhe implikimesh, të shtrira në një hark kohor prej dy dekadash.