Për ish shefin e diplomacisë shqiptare, Paskal Milo, Donlad Lu po kapërcen vijën e kuqe diplomatike me ndërhyrjet dhe presionet në politikën e një shteti sovran.
Në mbledhjen e komitetit drejtues kombëtar të Partisë Demokracia Sociale, Milo ishte i ashpër kur foli për gjendjen e parlamentit, të cilën e cilësoi ?katundari politike?.
Gjithashtu dhe ndërhyrjet e ambasadorëve, sipas Milos, përbëjnë turp për politikën.
Sipas kreut të PDS-së, situata në vend mbetet kritike njësoj si para 3 viteve kur e majta erdhi në pushtet.
Milo theksoi dhe një herë se koalicioni qeverisës po refuzon të zbatojë marrëveshjen parazgjedhore të 2013-s duke mos i dhënë PDS-së atë që i takon.
