Partia demokratike do të futet në proces zgjedhor të strukturave të degëve në të paktën 35 degë në të gjithë vendin. Vendimi u mor në kryesinë e PD jo vetëm për shtimin e të paktën 14 degëve te reja në PD por edhe për zhvillimin e zgjedhjeve të strukturave të reja në degët ku janë shfaqur probleme gjatë procesit elektorale të zgjedhjeve lokal etë 2015.
Burime nga PD konfirmojnë për report tv listën e plotë të degëve ku do të zgjidhen kryetarët e rinj të degëve të PD. Ndërsa strukturat e PD në bazë janë në pritje të një udhëzimi të kryetarit Basha për këtë proces, mësohet se në qarkun e Shkodrës do të zhvillohen zgjedhje për kryetar në degën e malësisë së madhe , dhe shtohet dega e Vaut të Dejës.
Në qarkun e Lezhës zgjedhjet për kryetar do të zhvillohen në degën e Kurbinit, Bashki në të cilën PD nuk mori pjesë me kandidatin e saj. Po ashtu në qarkun e Dibrës zgjedhjet do të zhvillohen në degën e Bulqizës dhe të Dibrës.
