Për herë të pare, panairi i librit ka zbritur në një nga sheshet historike të vendit.
Panairi është vendosur në sheshin kryesor të Lezhës.
Në ditën ndërkombëtare të librit, dhjetra qytetarë nga të gjitha grupmoshat, kanë vizituar këtë panair, ku shfrytëzuan dhe rastin për pasurimin e bibliotekave familjare. Përveç qytetarëve të Lezhës, të shumtë ishin vizitorët nga fshatrat përreth, nga Shëngjini apo zona të tjera.
Shtëpite botuese janë të kënaqura më këtë zhvendosje të panairit në Lezhë dhe thonë se interesimi është mjaft i mirë.
Në këtë panair, kryetari i bahsksië së Lezhës, Fran Frrokaj, e konsideroi këtë një moment të rëndësishëm kulturor për Lezhën historike të besëlidhjes së Skënderbeut.
Në panairin e parë të librit në qytetin e Lezhës moren pjesë shtëpitë më të medha botuese në Shqipëri dhe Kosovë, ndërsa synohet që ky event kulturor të kthehet në një traditë.
