Emiljano Shullazi, Gilmando Dani dhe Blerim Shullazi kanë mbërritur në Gjykatën e Krimeve të Rënda ku do të njihen me masën e sigurisë. Ata janë shoqëruar nën masa të rrepta sigurie nga Drejtoria e POlicisë së Tiranës, ku mbaheshin që prej ndalimit mbrëmjen e së shtunës.
Ashtu si dje edhe sot Gjykata e Krimeve të Rënda është "blinduar", nga forcat e policisë. Seanca ndaj Shullazit pritet të nis rreth orës 08.30 dhe do të drejtohet nga gjyqtari Idriz Mulkurti dhe prokurorja Elisabeta Ymeri. Ndërkohë po sot do të jepet masa e sigurisë, për Blerim Shullazin dhe Gilmando Danin.
