Првата детска амбасада во светот Меѓаши денеска го промовираше прирачникот „Сите сме деца на овој свет“. Прирачникот е наменет за професори и има цел да им помогне како да разговараат со учениците за бегалската криза.
Според Професорот Кирил Темков од Филозофскиот факултет смета дека моралните сили на човекот треба да им помогнат на децата да ги разберат другите деца.Тој во неговата рецензија нагласува дека книга „Сите сме деца на овој свет“ nameneta за нашите млади и за сеопштото мировно образование, e мошне важен аспект на едукацијата на сите луѓе денес.
Грижата за другите најдобро покажува дека водиме сметка и за себеси, зашто со тоа се претставуваме како вистински луѓе. Доброто што го правиме значи почитување на другите, а истовремено и почитување на себе, изразување на своето достоинство и свое реализирање како одговорна и чесна личност.
Бегалците од страшните настани на Блискиот Исток овие денови ги потресуваат сознанијата и совеста на сите граѓани. Тие се многу на број и сиромашни, бараат засолниште и место за сигурно живеење. Многу од нив се жени и деца на сите возрасти, кои тажно мораа да ги напуштат своите домови и да тргнат по светот во потрага по среќа и мирна опстојба. Тоа се елементи на правата на секој човек, кои се изразени во Универзалната декларација за човековите права.
Дејноста на Детската амбасада Меѓаши, покрај непосредното вклучување во помагањето на бегалците, исто така е и етичкото и мировното образование со книгата „Сите сме деца на овој свет“, за нашите млади да бидат упатени во тие тешки проблеми, да разберат што им се случува на младите во тој страшен егзодус и да се поткрене тензијата на емпатија за тешкотиите и страдањата на бегалците, посебно на младите бегалци, нивните врсници. Како во многу случаи досега, тоа ќе значи помош кај нашите млади, како и во целата наша заедница, да се развие чувството на солидарност со страдалниците и да се покренат акции за помагање во нивните животни и морални прашања. Децата треба да имаат разбирање за сите деца.
Д-р Кирил Темков,
професор по Етика
