Kreu i komisionit të ligjeve Fatmir Xhafaj në një prononcim për mediat nga selia e PS tha se procesi është organizuar dhe po zhvillohet në mënyrë shembullore. Sipas tij referendumi është një provë e pjekurisë poltiike të PS dhe bëhet për të zgjidhur çështje të debatueshme brenda PS
"Unë s'mendoj se Rama ka patur idenë e referendumit për të parë se sa pupullor është kryeminstri apo sa i pranueshëm është për PS. Kjo është një provë e pjekurisë politike të PS dhe për të zgjidhur çështje të debatueshme rreth nesh"-tha Xhafaj
Lidhur me kritikat e zotit Blushi për mangësi dhe mungesë transparence në listat e atyre që pritet të votojnë për mandatin e kryeministrit Rama si kryetar i partisë, deputeti socilist Fatmir Xhafaj tha se nuk i bëjnë aspak përshtypje pasi voton çdo anëtar i PS thjesht edhe vetëm me një teser dhe s'ka nevojë për më tepër
"Ka një pozicion që bëhet debat dhe një që bëhet opozitë. Unë i kam ndjekur por s'jam i befasuar nga deklarata. Nga ajo që shoh unë s'ka asnjë problem nga pikpamja e procesit dhe organizimit. Janë lista që njihen. Nuk ka nevojë për asgjë të tillë janë anëtarët e partisë socialiste. Edhe kur një anëtarë se ka rifreskuar praninë e tij i mjafton vetëm të ketë teserin e partisë e të votojë. Të paktën procesi në Tiranë është shembullor.."
Xhafaj në fjalën e tij shtoi se ai ka qenë pjesë e atyre deputetëve të cilët kanë debatuar dhe jo kundërshtuar mbajtjen e Referendumit.
