Остри реакции во јавноста по одлуката на уставните судии да ги укинат одредбите од Законот за помилување. Поранешниот претседател на Уставниот суд, Бранко Наумоски вели дека повеќе од очигледно е дека ваквата одлука му требаше итно на Груевски за да може да бидат спасени сите оние кои би биле обвинети и евентуално осудени за изборните и другите криминални манипулации што произлегуваат од прислушкуваните разговори.
„Овие судии се навистина срам за судството. Повеќе од очигледно е дека одработуваат некаков долг. Го урнисаа уставниот поредок, ги погазија граѓаните за да спасат група криминалци. Нас ни треба формирање на експертска влада која ќе биде пред се евроатлански ориентирана и која ќе ги расчисти сите овие манипулации и се што се случува во моментов. Ќе го ослободи судството од ропството, ќе го ослободи специјалното јавно обвинителство од притисоците и неговото укинување, ќе ги ослободи сите државни и јавни институции од прангите на оваа власт, едноставно ќе треба да направи тотален рез бидејќи повеќе од јасно е дека во овој момент ние сме во тотален мрак“ - се вели во писмото на поранешниот претседател на Уставниот суд.
Од транспарентност македонија бараат претседателот да се воздржи од правото да помилува лица осудени за овие дела и со тоа да се избегне нанесување на ненадоместлива штета на борбата против корупцијата и довербата на граѓаните во институциите.
Директорот на првата детска амбасада Меѓаши, Драги Змијанац смета дека одлуката на Уставниот суд е крајно деградирање на угледот на судиите и претседателоти кои ќе се сметаат за директни соучесници доколку ослободен педофил го пофтори делото.
Според Народниот правобранител со одлуката на уставните судии се доведува во прашање заштитата на слободите и правата на децата, но и се уриваат сите досега направени реформи за ефективна заштита на децата од злоупотреби.
Светлана Божиновска
