TIRANË - Një aksident me pasojë plagosjen e një personi është shënuar mesditën e sotme në hyrje të Unazës së Re në kryeqytet.
Një automjet ka përplasur një burrë rreth 45 vjeç me motor duke i shkaktuar disa plagë.
Sipas dëshmitarëve në vendngjarje drejtuesi i mjetit tip "Golf" ngjyre blu tërhoqi zvarrë për rreth 10 metra drejtuesin e motorit dhe më pas u largua pas aksidentit.
I plagosuri u dërgua me ambulancë në spital dhe ndodhet në gjendje të stabilizuar jashtë rrezikut për jetën.
Dyshohet se shkak për aksidentin ka qënë shpejtësia e madhe e mjetit ndërsa grupi hetimor vijon hetimet për gjetjen e shoferit të Golfit.
