Да се спречи децата да бидат искористувани за пресметка меѓу разведените родители
Меѓаши: Разводот е престанок на бракот, а не на родителството
Детската амбасада "Меѓаши" ја поддржува иницијативата за измени на Законот за семејство, која доаѓа од група родители, за воведување на заедничко старателство и квалитетно родителство и по разводот.
"Детето никогаш не треба да се стави во ситуација да избира меѓу двајцата родители. Разводот треба да биде престанок на бракот, а не престанок на родителството. Овој модел подразбира и зајакнување на квалитетната комуникација меѓу родителите, со цел да се намали и да се спречи трауматичното чувство кај децата поради разделбата на двајцата родители", велат од Првата детска амбасада во светот Меѓаши.
ОДГОВОРНО РОДИТЕЛСТВО И ПО РАЗВОД
Група родители, поддржани од Детската амбасада "Меѓаши", до Министерството за труд и социјална политика поднесоа нацрт-измени на Законот за семејство, со кои бараат воведување на заедничко и одговорно родителство врз децата по разводот
