اُردُوشاعری
باتیں
تُم بھی کَرتے ہو کیا عَجَب باتیں
بے سُری ہیں تُمہاری سَب باتیں
حُسن و کَیفِ شَباب کی باتیں؟
ساقی ءِ بے نَقاب کی باتیں؟
خُوشبُوؤں کی، گُلاب کی باتیں؟
ساغَر و آبِ ناب کی باتیں؟
توبہ! توبہ! شَراب کی باتیں؟
شَہریَت کے عَذاب کی باتیں؟
حاکِموں کے حِساب کی باتیں؟
رَہبَرِ بے حِجاب کی باتیں؟
ظالِموں پَر عِتاب کی باتیں؟
بُھولی بِسری کِتاب کی باتیں
چھوڑ دو تُم عقیل وہ باتیں
ہوں سَماعَت پہ بار جو باتیں
