http://www.vizionplus.tv
https://facebook.com/VizionPlusTV
https://twitter.com/VizionPlusTV
Zjarri i rënë pesë ditë më parë po vazhdon të shkrumbojë pyjet e zonës së Dardhës. Dhjetëra hektarë me pisha, ahe dhe drurë të tjerë janë shkatërruar, ndërsa autoritetet nuk po e fitojnë betejën me flakët. Grupe të vogla po përpiqen te shuajnë vatrat e zjarrit, por terreni malor e bën punën shume te vështire. Ministri i Mjedisit Lefter Koka nuk e përjashton mundësinë e një zjarrvënieje të qëllimshme. Motivi? Ai lë të kuptohet se është një hakmarrje e dikujt për shkak të masave te qeverisë për të frenuar prerjen e pyjeve. E ndërsa zjarri vijon të dëmtojë kurorën e një prej zonave më të spikatura turistike të vendit, ministri Koka premton se vitin tjetër do ketë kontrolle më të shumta për ruajtjen e pyjeve dhe gjuetinë. Dardha këto ditë është e mbipopulluar nga vizitorë vendas e të huaj që e kanë zgjedhur për të kaluar pushimet. Por në lartësitë e fshatit zjarri deri më tani ka dëmtuar rreth 40 hektarë pyje. Vetëm ditën e trete ndërhyrja u bë nga ajri.
