Излoжбa нa темa ЈАС И МOЈOТ РOДИТЕЛ ЗАЕДНO МOЖЕМЕ МНOГУ. Oвa е дел aктивнoстите OДГOВOРНO РOДИТЕЛСТВO. Проектот „Одговорно родителсво“ е поддржан од Проектот на УСАИД за граѓанско општество, кој го спроведува Фондацијата Отворено општество - Македонија
На прес-конференцијата новинарите и јавноста беa информирани за активностите на проектот „Одговорно родителство“ со кој би сакале да ставиме акцент пред сè на создавање поволна средина за учество на родителите во училиштата и градинките. За таа цел беше информирана јавноста за можноста за потпишување на петиција за да се започне со иницијатива за формирање на Национален совет на родители, кој е важен дел во рамките на овој проект.
Во периодот од 10.00 до 12.00 часот беa изложени цртежи на децата од градинките - партнери „Распеана Младост“ и “Детска радост“ на тема: „Јас и мојот родител можеме многу“.
„Одговорно родителсво“ ПДАС Меѓаши (презентација на СОС извештајот и презентација на активностите од проектот „Одговорно родителствo.
Овој настан е финансиски поддржан и од страна на АД „Македонски телеком“ Скопје
Во годишниот СОС извештај на првата детска амбасада во светот „Меѓаши“се вели дека, оваа година најголем проблем за дојавуачите на СОС телефоните е сиромаштијата.
Во борбата со сиромаштијата, родителите да не им посветуваат секогаш доволно внимание на сопствените деца.
„Децата пак гледајќи ја ова ситуација сметаат дека тие се должни да му помогнат на смејството, дека мораат да заработуваат и егзистенцијата ја обезбедуваат најчесто со препродавање најразлични ситнуриии, собираат пластика, хартија и така натаму. Во некои случаи питачат и со тоа се зголемува можноста да станат жртви на најтешки форми на злоупотреба. Овие деца иако имаат желба да се образуваат и да имаат детство како своите врсници сиромаштијата ги прави да се чувствуват инфериорно и различни од другите деца. Најчесто мислат дека немаат избор и дека нивната судбина е гола борба за егзистенција,“ се вели во заклучокот на СОС извештајот.
Тие советуваат дека децата е потребно да се чувствуват заштитено, разбрано и прифатено. Неопходно е да се научат полесно да ги препознават своите чувства и да се охрабрат за зборуват за нив.
Родителите постојано треба да се во комуникација со своите деца и тоа е единствениот начин да знаат што им е потребно и како се чувствуват, со цел подобро да функционираат да се избегнат сите непријатности.
Со цел намалување и превенција на агресијата и насилството потребна е сензибилизација на родителите (возрасните) и децата за начините на меѓусебна комуникација, стекнување на вештини за ненасилно решавање на конфликти, развивање на вештини за меѓусебна толеранција, емпатичност и воведување на мировно образование во училиштата.
