http://www.vizionplus.tv
https://facebook.com/VizionPlusTV
https://twitter.com/VizionPlusTV
Në vigjilje të festave, kryeqytetit tashmë të ndriçuar nga dritat, i shtohen edhe aktivitetet artistike. Fëmijët pritet te nisin pushimet, ndërsa teatrot janë gati të hapin dyert për ta. I pari që nis shfaqjet festive për ta është Teatri i Kukullave që feston me shfaqjen ?Një qytet për fëmijë?. Nën drejtimin e Monika Lubonjës, me regji të Driada Dervishi dhe me vetë ata, fëmijët e Qendrës Kombetare të Kultures dhe nxënësit e Shkollës së Baletit, kjo premierë do të rrëfejë qytetin më të bukur në botë, atë që ëndërrojnë fëmijët. Ky udhëtim zbavitës me muzikë, kërcim dhe humor ju pret të mërkurën në Teatrin e Kukullave. Por një realitet ndryshe do të tregojnë fëmijët në Teatrin Eksperimental në kryeqytet. Ata do të rrëfejnë si jetuan prindërit e tyre dhe si po jetojnë ata. Edhe Cirku Kombëtar ofron numra të rinj në çadrën e tij. Një program festiv e plot ngjyra edhe në kostumografi vjen këtë fundvit për fëmijët dhe prindërit e tyre.
