http://www.vizionplus.tv
https://facebook.com/VizionPlusTV
https://twitter.com/VizionPlusTV
Ndryshe nga disa vite më parë, festat e këtij fundviti shumica e shqiptarëve kanë vendosur t?i kalojnë në familjet e tyre ose në vendet në kufi me Shqipërinë. Agjensitë e udhëtimeve turistike pranojne se pjesa më e madhe e atyre të cilët kanë prenotuar jashtë, kanë zgjedhur destinacionet e afërta të cilat kërkojnë edhe një buxhet më të vogël. Sulmet terroriste në Paris kanë bllokuar përkohësisht paketat që agjensitë e udhëtimeve kanë patur traditë. Kështu, Franca dhe Belgjika janë hequr nga paketat që ofrohen përvit. Kryesisht po zgjidhen vende që kanë kontrolle mw tw pakta në aeroporte. Por edhe pse një pjesë pëlqejnë të lenë Shqipërinë, ka edhe grupe me vizitorë nga vendet e europës që do të vijnë të festojnë këtu. Agjensitë e biletave ankohen se Shqipëria nuk ka një turizëm të organizuar për të pritur vizitorë nga jashtë. Një tjetër pikë problematike për ta është edhe konkurrenca në çmime me vendet e rajonit, çmimi i lartë i biletave në aeroportin e Tiranës ka bërë që shumica e udhëtimeve të planifikohen nga Shkupi ose Prishtina.
