http://www.vizionplus.tv
https://facebook.com/VizionPlusTV
https://twitter.com/VizionPlusTV
Fundjava kulturore në kryeqytet ka si kryefjalë shfaqjet më të mira të teatrove të Durrësit dhe Elbasanit. ?Vallëzimi i fundit? është shfaqja që mbërrin në teatrin eksperimental nën interpretimin e trupës së teatrit ?Skampa? të Elbasanit, ndërsa ?Dashuri me çdo kusht? është komedia romantike e Teatrit të Durresit që vjen këtë fundjavë në Teatrin Kombëtar. Premiera më e re për fëmijët vjen nga Cirku Kombëtar i cili, ka përgatitur një koncert festiv me numra tërësisht të rinj. Shfaqja me titullin ?Gezuar 2016? nis këtë fundjavë për të përfunduar në vigjilje të Vitit të Ri. Për më të vegjlit, një tjetër alternativë është ajo e Teatrit të Kukullave. Përralla ?Hipopotami Misterioz?, nën regjinë e rusit të njohur të kukullave, Vladimir Berk, vjen me një mesazh të madh kushtuar miqësisë. Artet vizuale vazhdojnë të mbajnë të njëjtin emër, ekspozitën Onufri në Galerinë Kombëtare të Arteve.
