http://www.vizionplus.tv
https://facebook.com/VizionPlusTV
https://twitter.com/VizionPlusTV
Policia e Tiranës dhe forcat RENEA arrestuan Emiljano Tashon, i dyshuar si njëri prej autorëve të vrasjes së Enton Nikajt dhe plagosjes së Ismet Gaxherrit në një restorant të fshatit Linzë në Tiranë. Gjatë operacionit për arrestimin e këtyre personave, policia prangosi dhe Erjon Biraçin 31 vjeç me akuzën e fshehjes së krimit. Gjatë kontrollit në banesën e tij u gjet një armë automatike dhe një pistoletë tip ?Glock? me silenciator. Emiljano Tasho u arrestua një ditë më parë pasi prej katër ditësh fshihej në banesën private të Biracit. Ai është i dyshuari kryesor për vrasjen e Enton Nikajt, ngjarje e ndodhur 4 ditë më parë në restorant Muraga në Linzë të Dajtit. Sipas policise Tasho është person me precedentë të rëndë penalë ku rezulton si autor i dy grabitjeve me armë. Njëra në mars të vitit 2014 ku në rrugën Dhimtër Kamarda grabiti një supermarket dhe tjetra në shtator të këtij viti në një banesë private. Ndërkohë gjykata e Tiranës la në burg ish efektivin e policisë Mirsad Kucana një prej të arrestuarve për ngjarjen e Linzës. Gjykata pranoi kërkesën e prokurorisë për ta lënë pas hekurave 28-vjeçarin si një prej të dyshuarve për vrasjen e Enton Nikajt. Deri më tani numri i të arrestuarve si të përfshirë në ngjarjen e Linzës ka shkuar në 4, ndërkohë që Policia vijon kërkimet për arrestimin e Ervis Martinajt dhe Bujar Hasanit.
