Të rinjtë po u besojnë gjithmonë e më pak komshinjve të tyre. Një fenomen i tillë po theksohet më së shumti në qytetin e Tiranës, ku në të njëjtën lagje jetojnë familje të vjetra apo të reja që kanë ardhur nga qytete të tjera. Në një studim të fondacionit gjerman ?Fridriech Ebert Stiftung?, janë pyetur të rinjtë në lidhje me vlerat dhe besimet. Nivelin më të ulët të besimit të rinjtë e shfaqin për fqinjët, të cilëve u japin 3 nga 10 pikë, duke pasqyruar në këtë mënyrë ndryshimet demografike apo të vlerave si rezultat i tranzicionit. Pas familjes dhe të afërmve, ata u besojnë më shumë një miku apo një kolegu.
