http://www.vizionplus.tv
https://facebook.com/VizionPlusTV
https://twitter.com/VizionPlusTV
Trafikantët e drogës po përpiqen te gjejnë mënyra te reja per transportimin e lëndëve narkotike. Gjin Fusha 58-vjeçari nga Dukagjini i Shkodrës është arrestuar, teksa po tentonte te kalonte drogën në anën tjetër të kufirit. Ai e kishte fshehur ngarkesën në bombolën e gazit të makinës. Por udhëtimi i tij nuk ka zgjatur shumë, pasi është pikasur nga forcat e policisë. Gjatë kontrollit në pjesën e brendshme të bagazhit, u konstatua një bombol gazi me ngjyrë të zezë metalike. Pas hapjes se saj në brendësi u gjet një bombol tjetër me e vogël, ne te cilën ishte vendosur lëndë narkotike Canabis Sattiva. Droga ishte ndare në disa pako në formë rrethore. Ndërkohe në Lezhe katër persona janë arrestuar, ndërsa 2 të tjetër janë shpallur në kërkim pas finalizimit me sukses të operacionin antidrogë të koduar ?Rrënja e Zeze?. Uniformat blu kane goditur një grup kriminal që mendohet se bazën e kishte në Mirditë, ndërsa veprimtarinë e shtrinte edhe më tej. Hetimet kanë çuar në arrestimin e shtetasve Pjetër, Ndoke dhe Viktor Nikolli. Ne pranga ka përfunduar edhe i riu Radoin Jaku 20 vjeç, banues në ishull Lezhë. Ndërsa në kërkim janë dy vëllezërit Astrit dhe Ilir Nikolli po nga Mirdita. Arrestimi dhe shpallja në kërkim e këtyre shtetasve u bë gjatë kohës që po përgatiteshin për shitjen e një sasie droge. Nga kontrollet e ushtruara në automjetet dhe banesat e tyre janë gjetur dhe sekuestruar: dy kallashnikovë 1 kg drogë, 5 radio policie, dy palë dylbi, dy peshore elektronike,17 mjete prerëse e ndriçues elektrikë, 2 arme zjarri, si dhe fishekë.
