Kriza fiskale e qeverisë u thellua në shtator duke ngritur pikëpyetjet e para mbi rezultatet e operacionit kundër informalitetit. Pavarësisht kontrolleve masive mbi biznesin dhe ashpërsimit të masave ndëshkuese ndaj evazionit deri në ekstrem, të dhënat e fundit zyrtare nga Ministria e Financave tregojnë se mosrealizimi i të ardhurave nga taksat për nëntëmujorin kërceu në 6.9 miliardë lekë ose gati 58 milionë dollarë më pak se plani i rishikuar.
