http://www.vizionplus.tv
https://facebook.com/VizionPlusTV
https://twitter.com/VizionPlusTV
Arrin në 4 tonë sasia e drogës se zbuluar dhe kapur ne Malësitë e Kurveleshit. Kjo është nder sasitë me te mëdha te lendes narkotike qe janë sekuestruar nga policia shqiptare në jug të vendit. Në vijim të operacionit të koduar Llufa në zonën e Kurveleshit në Tepelenë, policia zbuloi orët e mëngjesit të së dielës dhe 800 kilogramë kanabis sativa në Malin e Këndervicës. Burimet e policisë bëjnë me dije se ngarkesa e drogës pesha totale e të cilës arrin në 800 kilogramë u gjet në vendin e quajtur Cfakë në këmbën e malit Këndervicë. Bima narkotike e prere ishte ne procesin e tharjes. Policia asgjësoi me djegie drogën ndërkohë që një vijon ende puna për identifikimin e poseduesve të saj. Operacioni ne Malësitë e Kurveleshit nisi tre ditë më parë. Fillimisht u sekuestrua nje ton hashash dhe pak ore me vone forcat e policisë gjeten ne nje stan edhe 2.2 tone te tjera. Operacioni Llufa është nder me te mëdhenjtë e organizuar ne jug te vendit. Te dhënat e para per kultivimin e kanabisit ne zonën e Kurveleshit u morën fale patrullimit te helikopterëve. Sektori i antidrogës kishte hartuar prej kohesh planin e ndërhyrjes.
